पुणे, 29 ऑगस्ट | राज्य सरकारच्या वतीने गौरी गणपती उत्सवानिमित्त शिधापत्रिकाधारकांना 100 रुपयांत आनंदाच्या चार जिन्या मिळणार आहेत. त्यानुसार पुणे-पिंपरी चिंचवड शहरासह ग्रामीण भागातील अंत्योदय अन्न योजना व प्राधान्य कुटुंब शिधापत्रिकाधारक एकूण 8 लाख 84 हजार शिधापत्रिकाधारकांना याचा लाभ मिळणार आहे.
गेल्या वर्षी दिवाळीत शिंदे-फडणवीस यांचे सरकार आल्यानंतर मागील वर्षी दिवाळीमध्ये तसेच गुढीपाडवा आणि डॉ. बाबासाहेब आंबेडकर जयंतीनिमित्त ’आनंदाचा शिधा’चे वितरण करण्यात आले आहे. आता गौरी-गणपती सणानिमित्त ‘आनंदाचा शिळा’ वाटण्याचा निर्णय सरकारने घेतला आहे.
त्यानुसार जिल्हानिहाय लाभार्थ्यांची यादी निश्चित करण्यात आली आहे. त्यानुसार पुणे आणि पिंपरी-चिंचवड शहरातील 3 लाख 20 हजार 443 शिधापत्रिकाधारकांना आणि ग्रामीण भागातील 5 लाख 62 हजार 795 शिधापत्रिकाधारकांना आनंदाच्या रेशन किटचे वाटप करण्यात येणार आहे. ‘आनंदाचा शिधा’ रेशन दुकानांमधून ई-पॉसद्वारे वितरित केला जाईल.
Politics | अजित पवार गटाला पक्षासोबत चिन्ह देखील मिळेल : प्रफुल्ल पटेल यांचा दावा
1 ते 30 सप्टेंबर या कालावधीत त्याचे वितरण होणार आहे. सरकारने यासंदर्भात सूचना जारी केल्या आहेत. यामध्ये प्रामुख्याने, रेशन किट प्रशासनाने पुरवठादाराकडून NABL अधिकृत प्रयोगशाळा प्रमाणपत्र स्वीकारले पाहिजे की रेशन किटमध्ये समाविष्ट असलेले घटक अन्न व औषध प्रशासनाने दिलेल्या मानकांची पूर्तता करतात.
निकृष्ट दर्जाचे किट स्वीकारले जाऊ नये. अन्न व नागरी पुरवठा विभागाच्या अवर सचिव पूजा मानकर यांनी या किटमधील वस्तू खराब होणार नाहीत याची खात्री करून म्हणजेच एक्सपायरी डेट किमान चार महिन्यांची आहे याची काळजी घेऊन हे किट स्वीकारावे, अशा सूचना जिल्हा प्रशासनाला दिल्या आहेत.
या वस्तूंचा समावेश
अंत्योदय अन्न योजना (Antyodaya Food Scheme) आणि प्राधान्य कुटुंब शिधापत्रिकाधारकांना फक्त आनंद रेशन दिले जाईल. शिधापत्रिकाधारकांना 1 किलो रवा, 1 किलो चणाडाळ, 1 किलो साखर आणि 1 लिटर खाद्यतेल 100 रुपयांना मिळणार आहे.
Read More
