अहमदनगर : अहमदनगर जिल्ह्यातून एक धक्कादायक घटना समोर आली आहे, या घटनेने खळबळ उडाली आहे. दोन महिन्यांपासून बेपत्ता असलेल्या तरुणाची त्याच्या मित्रानेच हत्या केल्याचे समोर आले आहे. आरोपीने प्रेयसीलाही शिवीगाळ केली. ही घटना कोपरगाव तालुक्यात घडली. या प्रकरणी मुख्य आरोपीला ताब्यात घेण्यात आले असून अन्य दोन आरोपींचा शोध सुरू असल्याची माहिती पोलिसांनी दिली.
घटनेची अधिक माहिती अशी की, कोपरगाव तालुक्यातील नागेश चव्हाण हा गेल्या दोन महिन्यांपासून बेपत्ता होता. बेपत्ता नागेशचा शोध सुरू असतानाच एक धक्कादायक घटना समोर आली आहे. नागेशची हत्या त्याच्या मित्रानेच केल्याचे उघड झाले आहे. अर्जुन पिंपळे असे या प्रकरणातील आरोपीचे नाव आहे. या प्रकाराने खळबळ उडाली आहे.
जानेवारी महिन्यात आरोपी अर्जुन पिंपळे याने त्याचा मित्र नागेश याचा गळा आवळून खून करून प्रेयसीवर अत्याचार केल्याचे स्पष्ट झाले आहे. या गुन्ह्यात अर्जुन पिंपळे याच्यासह अन्य दोन आरोपींचा समावेश आहे. आरोपींमध्ये एका महिलेचाही समावेश आहे. हत्येनंतर अन्य आरोपींनी मृतदेहाची विल्हेवाट लावल्याचे समोर आले आहे.
पोलिसांनी बेपत्ता तरुणाच्या मैत्रिणीला ताब्यात घेतल्यानंतर या तिघांनी संपूर्ण घटना पोलिसांना सांगितली. याप्रकरणी कोपरगाव पोलीस ठाण्यात गुन्हा दाखल करण्यात आला असून मुख्य आरोपीला ताब्यात घेण्यात आले आहे. अन्य आरोपींचा शोध सुरू असल्याची माहिती पोलिसांनी दिली.
