Bengaluru Fire News | बेंगळुरूमधील अणेकल येथे फटाक्यांच्या दुकानाला लागलेल्या आगीत 15 जणांचा मृत्यू झाला आणि अनेक जण जखमी झाले. अग्निशमन दलाच्या तीन गाड्या घटनास्थळी दाखल झाल्या आणि आग आटोक्यात आणली. या घटनेत मृत्युमुखी पडलेल्यांच्या कुटुंबीयांना कर्नाटक सरकारने 5 लाख रुपयांची भरपाई जाहीर केली आहे.
कर्नाटकचे उपमुख्यमंत्री डीके शिवकुमार यांनी या घटनेची माहिती दिली आहे. या घटनेत मृत्युमुखी पडलेल्यांच्या कुटुंबीयांना सरकार 5 लाख रुपयांची आर्थिक मदत करणार असल्याचे त्यांनी सांगितले. ही घटना 7 ऑक्टोबर रोजी रात्री उशिरा म्हणजे शनिवारी रात्री माल वाहनातून फटाके दुकानात घेऊन जात असताना घडली. मात्र अपघाताचे नेमके कारण अद्याप पोलिसांना सापडलेले नाही.
ಆನೇಕಲ್ ಬಳಿಯ ಅತ್ತಿಬೆಲೆ ಸಮೀಪ ಇಂದು ಸಂಭವಿಸಿರುವ ಪಟಾಕಿ ದುರಂತದಲ್ಲಿ 12 ಮಂದಿ ಜೀವಂತ ದಹನವಾಗಿರುವ ಸುದ್ದಿ ದುಃಖಕರ. ವಿಷಯ ತಿಳಿದ ಕೂಡಲೇ ದುರಂತ ನಡೆದ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದೆ. ದುರಂತದ ಕಾರಣ ಸಂಬಂಧ ಸೂಕ್ತ ತನಿಖೆ ನಡೆಸುವಂತೆ ಅಧಿಕಾರಿಗಳಿಗೆ ಸೂಚಿಸಿದೆ. ಮೃತರ ಆತ್ಮಕ್ಕೆ ಶಾಂತಿ ಸಿಗಲಿ ಎಂದು ಪ್ರಾರ್ಥಿಸುತ್ತೇನೆ.… pic.twitter.com/YHjwxzV2CZ
— DK Shivakumar (@DKShivakumar) October 7, 2023
पोलिसांनी दिलेल्या माहितीनुसार, फटाक्यांच्या दुकानाचे मालक नवीन हे कंटेनर वाहनातून फटाक्यांच्या पेट्या त्यांच्या दुकानात उतरवण्याच्या प्रक्रियेत असताना फटाक्यांना अनपेक्षितपणे आग लागली. आगीची माहिती मिळताच अग्निशमन दलाच्या तीन गाड्या घटनास्थळी दाखल झाल्या आणि आग आटोक्यात आणली. या घटनेमुळे राष्ट्रीय महामार्गावरील वाहतूकही तात्पुरती ठप्प झाली होती. आगीच्या घटनेच्या तपासासाठी एफएसएल टीम तयार करण्यात आली आहे.