Maratha Reservation Update: मराठा समाजाला आरक्षण मिळावे यासाठी मनोज जरंगे पाटील गेल्या 9 दिवसांपासून जालन्यातील अंतरवली सराटी गावात उपोषणाला बसले आहेत. जरंगे यांनी अन्न-पाण्याचा त्याग केला असून मराठवाड्यातील मराठ्यांना कुणबी प्रमाणपत्र मिळेपर्यंत मागे हटणार नाही, अशी भूमिका घेतली आहे.
त्यामुळे राज्य सरकारने आता कुणबी प्रमाणपत्राबाबत हालचाली सुरू केल्या आहेत. तसेच ओबीसी संघटनांनी राज्य सरकारला मोठा इशारा दिला आहे. विदर्भाच्या मातीतल्या मराठवाड्यातील मराठ्यांना कुणबी प्रमाणपत्र देण्यासाठी सरकारने समिती नेमली असताना याला ओबीसी संघटनांकडून कडाडून विरोध केला जात आहे. ‘मराठा समाजाला वेगळे आरक्षण द्यावे, ओबीसीतून आरक्षण जाऊ देणार नाही’, असा आक्रमक पवित्रा ओबीसी संघटनांनी घेतला आहे.
त्यामुळे जालन्यात सुरू झालेल्या मराठा आरक्षणाच्या वादाला कुणबी विरुद्ध मराठा असे स्वरूप येऊ लागले आहे. एकीकडे मराठा समाजाला आरक्षण मिळावे यासाठी मनोज जरंगे पाटील यांनी जालन्यातील अंतरवली गावात उपोषण सुरू केले आहे. मराठ्यांना कुणबी प्रमाणपत्र मिळावे, अशी मागणी त्यांनी केली आहे.
मनोज जरंगे पाटील यांच्या उपोषणाचा आज नववा दिवस असून त्यांची प्रकृती ढासळत चालली आहे. त्यामुळे राज्य सरकारचा ताण वाढत चालला आहे. सरकारने दबावाखाली येऊन मराठ्यांना ओबीसी प्रमाणपत्र दिल्यास आम्ही न्यायालयात जाऊ, असा इशारा राष्ट्रीय ओबीसी महासंघाचे अध्यक्ष डॉ. बबनराव तायवाडे यांनी राज्य सरकारला दिला आहे.
मराठ्यांना ओबीसी प्रमाणपत्र दिल्यास देशातील मराठा समाजापेक्षा मोठे आंदोलन सुरू करू, असा इशाराही बबनराव तायवाडे यांनी राज्य सरकारला दिला आहे. एकीकडे मराठा समाजाने दिलेला इशारा आणि दुसरीकडे ओबिन्सी यामुळे राज्य सरकारची मोठी कोंडी होण्याची शक्यता आहे.
Read More
मराठा आरक्षण आंदोलन तापले, पुण्याहून मराठवाड्याकडे जाणाऱ्या एसटी बसेस रद्द
