पुणे, 10 सप्टेंबर | अहमदनगर जिल्ह्यातील राज्याला हादरवून सोडणाऱ्या कोपर्डी हत्याकांडातील मुख्य आरोपी पप्पू शिंदे याने येरवडा कारागृहात जीवन संपवले. आज पहाटे त्यांनी गळफास घेऊन जीवनयात्रा संपवली. सुमारे पाच वर्षे तो येरवडा कारागृहात शिक्षा भोगत होता.2017 मध्ये जिल्हा व सत्र न्यायाधीश सुवर्णा केवले यांनी कोपर्डी येथील शाळकरी मुलीवर बलात्कार करून तिची हत्या केल्याप्रकरणी त्याला आणि अन्य तीन आरोपींना दोषी ठरवले होते.
दरम्यान, एवढ्या मोठ्या हत्येतील मुख्य आरोपीने गळफास लावून आत्महत्या केली असताना कारागृह प्रशासन काय करत होते? असा प्रश्न आता उपस्थित होत आहे. आज पहाटे आरोपी जितेंद्र शिंदे याने गळफास लावून घेतल्यानंतर काही वेळातच ही माहिती कारागृह प्रशासनाच्या लक्षात आली. त्यानंतर काही वेळातच पोलिसांनी तेथे जाऊन पाहणी केली. तुरुंग अधिकारी अमिताभ गुप्ता हेही थोड्याच वेळात येरवडा कारागृहात येणार आहेत. दरम्यान, आरोपी जितेंद्र शिंदे याचा मृतदेह शवविच्छेदनासाठी ससून रुग्णालयात नेण्यात आल्याचे वृत्त आहे.
आरोपींच्या शिक्षेसाठी कोपर्डीत अधूनमधून आंदोलन
आरोपींना सुनावण्यात आलेल्या फाशीच्या शिक्षेची त्वरित अंमलबजावणी व्हावी यासाठी कोपर्डीत वेळोवेळी आंदोलने झाली. आता जालना जिल्ह्यात मराठा आरक्षणाच्या मागणीसाठी मनोज जरांगे यांचे आंदोलन सुरू असतानाच त्याला पाठिंबा देण्यासाठी कोपर्डीतूनही आंदोलन सुरू करण्यात आले. या आरोपींना तातडीने फाशी द्यावी, अशी मागणीही यावेळी करण्यात आली.
धक्कादायक : बलात्कारानंतर नग्न अवस्थेत तरुणीचा मदतीसाठी आक्रोश; लोकांनी वेडी समजून केले दुर्लक्ष
काल संध्याकाळीच प्रशासनाच्या आश्वासनानंतर हे चक्री उपोषण मागे घेण्यात आले आहे. त्यानंतर येरवडा कारागृहात शिक्षा भोगत असलेल्या मुख्य आरोपीने गळफास घेऊन आत्महत्या केल्याचे समोर आले आहे. मात्र आता कारागृह प्रशासनाला धारेवर धरले जात असून या मुद्द्यावरूनही आंदोलने होण्याची शक्यता आहे.
कोपर्डी निर्भया हत्याकांड
13 जुलै 2016 रोजी कोपर्डीतल अल्पवयीन मुलीवर बलात्कार करून तिची निर्घृण हत्या करण्यात आली होती. त्यात जितेंद्र शिंदे हा मुख्य आरोपी आहे. या घटनेनंतर पोलिसांनी त्याला श्रीगोंदा येथून अटक केली. त्यानंतर इतर आरोपींना अटक करण्यात आली. त्यांच्याविरुद्ध जिल्हा न्यायालयात दोषारोपपत्र पाठवण्यात आले. या प्रकरणातील तिन्ही आरोपींना 29 नोव्हेंबर 2017 रोजी अहमदनगरच्या विशेष न्यायालयाने दोषी ठरवून फाशीची शिक्षा सुनावली होती.
याशिवाय तिघांनाही 20 हजार रुपयांचा दंड ठोठावण्यात आला आहे. त्यानंतर आरोपी संतोष भवाळ याने या शिक्षेला मुंबईतील उच्च न्यायालयाच्या औरंगाबाद खंडपीठात आव्हान दिले. जिल्हा न्यायालयाने दिलेल्या फाशीच्या शिक्षेवर शिक्कामोर्तब करण्यासाठी सरकारच्या वतीने हे प्रकरण उच्च न्यायालयातही नेण्यात आले आहे. हे संपूर्ण प्रकरण औरंगाबादहून मुंबईत वर्ग करण्यात यावे, अशी विनंती करणारी याचिका आरोपी भवाळ याने मुंबई उच्च न्यायालयात केली होती. त्यानुसार हे प्रकरण मुंबईकडे सोपवण्यात आले. सध्या या प्रकरणाची सुनावणी प्रलंबित आहे. यावेळी तिन्ही आरोपी येरवडा कारागृहात होते.
Read More
