लंडन: जगभरात 2020 मध्ये कोरोनाचे संकट पसरले. त्यामुळे जगभरातील सुमारे 25 लाख लोकांना मृत्यूला सामोरे जावे लागले. साथीचा रोग सुरू होताच लसीवर संशोधन केले गेले. लसींचे उत्पादन मोठ्या प्रमाणावर होऊ लागले. त्यामुळे साथीचे आजार आटोक्यात येण्यास मदत झाली. युनायटेड किंगडममधील वैद्यकीय तज्ज्ञांनी दावा केला आहे की, नजीकच्या काळात आणखी एक साथीचा रोग उद्भवणार आहे आणि तो कोरोनापेक्षाही भयंकर असेल. या नवीन महामारीला ‘डिझीज एक्स’ हे नवीन नाव देण्यात आले आहे.
डेली मेलनुसार, जागतिक आरोग्य संघटनेच्या तज्ञांनी ‘डिझीज एक्स’ बद्दल सावधगिरीची सूचना केली आहे. कोरोना साथीच्या आजाराच्या तुलनेत 20 पट जास्त मृत्यू होतील. मृतांची संख्या 5 कोटी असेल. यूके व्हॅक्सिन टास्कफोर्सचे अध्यक्ष डेम केट बिंघम यांच्या मते, ‘डिसीज X’ हा कोविड 19 पेक्षा सातपट जास्त प्राणघातक असू शकतो. पुढील महामारी अस्तित्वात असलेल्या विषाणूमुळे निर्माण होऊ शकते. त्यामुळे बहुसंख्य नागरिकांचा बळी जाऊ शकतो.
शास्त्रज्ञ सध्या 25 प्रकारच्या विषाणूंना लक्ष्य करत आहेत. या प्रत्येक प्रकारात हजारो व्हायरस आहेत. यापैकी कोणत्याही विषाणूमुळे गंभीर महामारी होऊ शकते. हा विषाणू प्राण्यांच्या माध्यमातून माणसापर्यंत पोहोचू शकतो. कोविडचा प्रसार कोट्यावधी नागरिकांना झाली होती. यातील बहुतांश लोकांनी कोविडवर मात केली. परंतु या आजाराचा मृत्यूदर इबोलाइतकाच कमी आहे. याशिवाय, त्याच्या संसर्गाचे प्रमाण खूप जास्त आहे. गायींमध्ये संसर्गाचे प्रमाण 67 टक्के आहे. जगात लवकरच कोणाला ना कोणाला तरी डिझीज एक्सची लागण होईल, अशी भीती डेम केट यांनी बोलून दाखवली आहे.
ब्रिटीश शास्त्रज्ञांनी डिजीज एक्स टाळण्यासाठी लस तयार करण्याची प्रक्रिया सुरू केली आहे. विल्टशायरमधील पोर्टन डाउन प्रयोगशाळेतील 200 हून अधिक शास्त्रज्ञ लस उत्पादन प्रक्रियेत सहभागी आहेत. या भागात अत्यंत कडेकोट सुरक्षा व्यवस्था आहे. मानवांना संक्रमित करणारे आणि प्राण्यांमधून पसरणारे विषाणू हे त्यांचे खास लक्ष्य आहेत.
Read More
जगावर आता नवीन संकट? कोरोना विषाणू पसरवल्याचा आरोप असलेल्या लॅबमधील शास्त्रज्ञाचा खळबळजनक दावा