मुंबई | महाराष्ट्राच्या राजकारणात सध्या रोज नवनवीन घडामोडी घडत आहेत. वर्षभरापूर्वी मुख्यमंत्री एकनाथ शिंदे यांनी शिवसेना पक्ष फोडून मोठे बंड पुकारले आणि त्यानंतर राज्यात सत्तापरिवर्तन झाले. एकनाथ शिंदे मुख्यमंत्री झाले.
महाविकास आघाडीचे मंत्री असलेले अजित पवार हे एकनाथ शिंदे यांच्या सरकारमध्ये विरोधी पक्षनेते झाले. पण वर्षभरातच राष्ट्रवादी काँग्रेस पक्षात फूट पडली आणि अजित पवार हे सत्ताधारी पक्षाच्या आघाडीतील प्रमुख घटक बनले. ते राज्याचे दुसरे उपमुख्यमंत्री झाले. या सर्व घडामोडीनंतर पुलाखालून बरेच पाणी वाहून गेले आहे.
राज्याच्या राजकारणात नवी पहाट होणार आहे. ही पहाट देशातील आगामी लोकसभा निवडणुकीची आहे. त्यानंतर राज्यात विधानसभा निवडणुका आहेत. या निवडणुकांमुळे राज्याच्या राजकारणात घडामोडींनी वेग घेतला आहे. प्रत्येक पक्ष काम करत आहे. आगामी निवडणुकीत जास्तीत जास्त जागा जिंकून राजकारणात मोठे अस्तित्व निर्माण करायचे आहे. त्यासाठी घडामोडी सुरू झाल्या आहेत.
देवेंद्र फडणवीस म्हणाले, ‘एकनाथ शिंदे मुख्यमंत्री होतील’
पुढील वर्षी होणाऱ्या विधानसभा निवडणुकीत मुख्यमंत्रीपदाचा चेहरा कोण असेल, यावर सत्ताधारी पक्षांकडून दावे-प्रतिदावे सुरू झाले आहेत. आगामी विधानसभा निवडणुकीत एकनाथ शिंदे हेच मुख्यमंत्रिपदाचे दावेदार असतील, असे उपमुख्यमंत्री देवेंद्र फडणवीस यांनी यापूर्वी अनेकदा सांगितले आहे. तसेच 2024 च्या विधानसभा निवडणुकीनंतर एकनाथ शिंदे मुख्यमंत्री होतील, असे देवेंद्र फडणवीस वारंवार सांगत आहेत. दरम्यान, भाजप आमदार प्रसाद लाड यांनी वेगळेच वक्तव्य केले आहे.
प्रसाद लाड म्हणाले, ‘देवेंद्र फडणवीस मुख्यमंत्री होतील’
भाजप आमदार प्रसाद लाड यांनी आज ‘टीव्ही 9 मराठी’च्या कार्यक्रमात येऊन बाप्पाचे दर्शन घेतले. यावेळी त्यांनी ‘टीव्ही 9 मराठी’ला प्रतिक्रिया दिली. प्रसाद लाड यांनी मुख्यमंत्री पदाबाबत मोठे वक्तव्य केले आहे. यात नक्कीच शंका नाही. बाप्पाने नक्कीच केले आहे. 2024 नाही तर 2034 पर्यंत या देशात पंतप्रधान नरेंद्र मोदी यांचे सरकार राहणार आहे. राज्यात पुन्हा एकदा भारतीय जनता पक्षाच्या नेतृत्वाखाली सरकार स्थापन होईल आणि देवेंद्र फडणवीस हेच आमचे मुख्यमंत्री असतील, असे प्रसाद लाड म्हणाले.
संजय शिरसाट म्हणाले
प्रसाद लाड यांच्या वक्तव्यावर शिवसेना प्रवक्ते संजय शिरसाट यांनी प्रतिक्रिया दिली. प्रसाद लाड हे भाजपचे विधान परिषदेचे आमदार आहेत. त्यांनी आपल्या नेत्याचे नाव घेण्यात गैर काहीच नाही. एकनाथ शिंदे हेच मुख्यमंत्री राहतील, असे आम्हाला वाटते. अजित पवार हेच मुख्यमंत्री होतील, असे अजित पवारांच्या गटाला वाटते, असे संजय शिरसाट म्हणाले.
Read More
त्यानंतर रोहित पवारांनी भाजपसोबत जाण्याचा आग्रह धरला होता; आमदार सुनील शेळके यांचा गौप्यस्फोट
